The only 'Colourful' blog

மக்களே என்னைய யாரும் மறந்திடலையே??. குடும்பஸ்தன் ஆகீட்டேன் அதனால முன்ன மாதிரி அடிக்கடி மொக்கைபோட முடியலை அதுதான் லேட்டு.

தொடருக்கு அழைத்த மை ப்ரெண்ட் & ராப் -க்கு நன்றி.


1.அ. எந்த வயதில் சினிமா பார்க்க ஆரம்பித்தீர்கள்?

எங்க கிராமத்துல எதாவது விசேஷம்னா டெக், காசட் வாடகைக்கு எடுத்துகிட்டு வந்து படம் போடுவாங்க அப்படி பாத்ததுண்டு ஏழு அல்லது எட்டு வயசு இருக்கலாம். வீட்டுல ரொம்ப நேரம் பாக்க விடமாட்டாங்க ரொம்பா ஸ்ட்ரிக்ட்டு அதனால அந்த வயதில் முழுசா படம் பாத்ததா நினைவில்லை.

ஆ, நினைவுதெரிந்து கண்ட முதல் சினிமா?

ராகவேந்திரா அப்படின்னு நினைக்கிறேன். பக்கத்து வீட்டுல இருக்கவங்க எல்லாம் சாமி படம் நல்லா இருக்குன்னு சொல்லி எங்க அம்மா கூட்டிகிட்டு போன முதல் & கடைசி படம் இதுதான்.

இ. என்ன உணர்ந்தீர்கள்?
இண்டெர்வல்ல சாப்பிட்ட பஜ்ஜியில காரம் அதிகம்னுதான்
:))

2. கடைசியாக அரங்கில் அமர்ந்து பார்த்த தமிழ் சினிமா?
காதலில் விழுந்தேன். தங்கமணியுடன் பார்த்த முதல் திரைப்படம். இந்த படத்துக்கப்புறம் எந்த படத்துக்கு கூப்பிட்டாலும் வரதுக்கு ரொம்ப யோசிக்கிறா ஓவரா பாதிச்சிடிச்சி போல
:))

3.கடைசியாக அரங்கிலன்றிப் பார்த்த தமிழ் சினிமா எது, எங்கே, என்ன உணர்ந்தீர்கள்?
தலை ஜே.கெ.ரித்தீஸின் நாயகன் பாதி சரோஜா பாதி பார்த்தேன் டவுன்லோட் செய்து என்னத்த உணரறது கொட்டாவி கொட்டாவியா வந்தது.

4. மிகவும் தாக்கிய தமிழ்ச்சினிமா
சேது, அன்பே சிவம், முகவரி இன்னும் நிறைய இருக்கு மறந்து போச்சு.

5.உங்களை மிகவும் தாக்கிய தமிழ்ச்சினிமா - அரசியல் சம்பவம்?
பேர மாத்து ஊரை மாத்து அப்படின்னு இவங்க அடிக்கிற அரசியல் காமெடிகள், காவிரி - ஒகேனக்கல் பிரச்சனைக்கு நடிகர்கள் அடிக்கும் காமெடி ஸ்டண்ட்கள், நாலு படம் ஹிட்டாகறதுக்குள்ள அடுத்த சி.எம் நாந்தான்னு இவனுங்க செய்யும் அலப்பரைகள் சுவாரஸ்யமானவை மிகவும் பிடிக்கும்.

5-ஆ. உங்களை மிகவும் தாக்கிய தமிழ்ச்சினிமா - தொழில்நுட்ப சம்பவம்?
சில நல்ல சீன்கள் வரும்போது மட்டும், ஒரு பூவை க்ளோசப்பிலோ அல்லது ஒரு புலி மானைத் துரத்தி கொல்வது போலவோ காட்டி நம்மை ஏமாற்றும் அந்த தொழில் நுட்பம் என்னை மிகவும் தாக்கும். (நன்றி ச்சின்ன பையன்).

6.தமிழ்ச்சினிமா பற்றி வாசிப்பதுண்டா?
குமுதம், விகடனில், தமிழ்மணத்தில் வரும் சினிமா பற்றிய பதிவுகள் படிப்பதுண்டு.

7. தமிழ்ச்சினிமா இசை?
தமிழ் சினிமா பாடல்கள் மிகவும் பிடிக்கும் அதை சத்தமாக தெருவுக்கே கேட்கும்படி அலறவிட்டு கேட்பது எனக்கு சிறுவயதிலிருந்தே மிக மிக பிடிக்கும். சிறுவயதில் அதாவது ஒன்பதாவது பத்தாவது படிக்கும் காலத்தில் இதுக்காக பயங்கரமா திட்டெல்லாம் வாங்கியிருக்கேன் வீட்டுல.

8. அ. தமிழ் தவிர வேறு இந்திய, உலக மொழி சினிமா பார்ப்பதுண்டா?
மங்களூர் வந்த புதிதில் கன்னடம் கற்பதற்காக ஏகப்பட்ட கன்னட படங்கள் பார்த்ததுண்டு இப்பல்லாம் அந்த தப்ப செய்யறதில்லை எத்தனை படத்ததான் தமிழ்ல பாத்துட்டு அதையே கன்னடத்துல பாக்குறது!?!? :)) , ஹிந்தி காலேஜ் படிக்கும்போது ரங்கீலாவில் ஆரம்பித்து ஏகப்பட்ட படம் பார்த்திருக்கிறேன் பார்த்து வருகிறேன். அப்புறம் ஆங்கிலப்படங்கள் & விஜய் டிவியில் வரும் தமிழில் மொழி பெயர்க்கப்பட்ட ஆங்கில படங்கள். சில கொரியன் படங்கள்.

8. ஆ. அதிகம் தாக்கிய படங்கள்?
பிடித்த படங்கள்னு சில சொல்லலாம் தாக்கிய படங்கள்னு சொல்றது அதிகம்தான். ஹிந்தில தில்வாலே, கபிகுஷிகபிகம், முன்னாபாய், லஹேரகஹோ முன்னாபாய், சர்கார், இன்னும் நிறைய.

ஆங்கில படங்களில் ஜேம்ஸ்பாண்ட் படம்லாம் தேடித்தேடி பார்த்ததுண்டு கேசினோ ராயல் வரை. அதைத்தவிர பேஸ் ஆஃப், ஜீமான்ஜூ, ப்ரூஸ்லி & ஜாக்கி சான் படங்கள், இன்னும் நிறைய கிடைக்கிற டிவிடி எல்லாம் பார்ப்பேன்.

9. தமிழ்ச்சினிமா உலகுடன் நேரடித்தொடர்பு உண்டா? என்ன செய்தீர்கள்?
பிடித்ததா? அதை மீண்டும் செய்வீர்களா? தமிழ்ச்சினிமா மேம்பட அது உதவுமா?
விவேக் காமெடி ஒன்னு வரும் எனக்கு ஐ.ஜிய தெரியும் ஆனா அவருக்குதான் என்னைய தெரியாது அப்படின்னு அந்தமாதிரிதான், எனக்கு நயந்தாராவ தெரியும் ............. சினிமா உலகுக்கும் நமக்கும் அம்புட்டுதான் சம்பந்தம்.

10. தமிழ்ச்சினிமாவின் எதிர்காலம் பற்றி என்ன நினைக்கிறீர்கள்?
ஒகேனக்கல், காவேரி, அடுத்த சி.எம் , பி. எம்னு எந்த காமெடிக்கும் குறைவில்லாம ஜேஜேன்னு எப்பவும் போல இருக்கும்.

11. அடுத்த ஓராண்டு தமிழில் சினிமா கிடையாது, மற்றும் சினிமா பற்றிய சமாச்சாரங்கள், செய்திகள் எதுவுமே பத்திரிகைகள், தொலைக்காட்சி, இணையம் உள்ளிட்ட ஊடகங்களில் கிடையாது என்று வைத்துக்கொள்வோம்? உங்களுக்கு எப்படியிருக்கும்? தமிழர்களுக்கு என்ன ஆகும் என்று நினைக்கிறீர்கள்?

நான் பெரும்பாலான சமயம் பார்ப்பது செய்தி சேனல்கள். சன் மியூசிக் பார்ப்பதுண்டு அதில் பழையபாடல்களே திரும்ப திரும்ப வரும் அதனால் எனக்கு ஒன்னும் பெரிய பாதிப்பா இருக்காது.

நம் மக்கள் சோறே இல்லைன்னாலும் இருந்திடுவாங்க சினிமா இல்லாம இருக்க மாட்டார்கள். குருவி தாங்கமுடியலைன்னாலும் திட்டிட்டு போய் குசேலன் பார்ப்பார்கள் அதையும் தாங்கமுடியலைன்னாலும் அப்போதைக்கு திட்டிட்டு அடுத்து எந்த அட்டுப்படம் வந்தாலும் பார்ப்பவர்கள் ஆச்சே :))

இந்த தொடரை தொடர அழைப்பது
யார் யார் விருப்பம் இருக்கோ அவங்க எல்லாம் எழுதுங்க ஆப்பீஸர்ஸ்.

போன வாரத்தில் ஒரு நாள் புதன்கிழமை என நினைக்கிறேன் மனைவியிடம் ஆபீஸ் போய் வந்ததும் சரோஜா படம்போய் பார்க்கலாம் என சொல்லியிருந்தேன் வழக்கமாக எல்லா தங்கமணிகளையும் போலவே இல்லைங்க இன்னைக்கு வேண்டாம் என்றுவிட்டார். வியாழக்கிழமையும் எதேதோ காரணத்தினால் பார்க்க முடியாமல் போய்விட்டது.

ஒருவழியாக வெள்ளிக்கிழமை பார்த்தே தீருவது என தியேட்டருக்கு போனால் இருபது அடி தூரத்திலேயே போஸ்டரில் டாக்டர் போல இருந்தது அடடா சரோஜா படத்துல நம்ம டாக்டர் குருவி எங்கிருந்தய்யா வந்தார் என பக்கத்தில் போய் பார்த்ததும் தெரிந்தது சரோஜா படத்தை தூக்கீட்டு பந்தயம் போட்டிருந்தார்கள் :(

டாக்டர் படம் பார்க்கும் மனதிடம் இருவருக்கும் இல்லாததால் தியேட்டர் வாசலுடன் திரும்பிவிட்டோம்.

சன் டிவியில் நீங்கள் கேட்ட பாடல் அப்படினு ஒரு நிகழ்சி முன்னெல்லாம் வந்திட்டு இருந்தது இப்பல்லாம் வருதான்னு தெரியலை அதுல திருமணமான ஜோடிகளை பேட்டி எடுத்து விஜயசாரதி அவங்க விரும்பும் பாடல்களை கேட்டு போடுவார். அடடா அப்படி எதாவது ஒரு சந்தர்பம் நமக்கும் வந்து திருமணமாகி பாத்த முதல் படம் எதுன்னு கேட்டா சொல்றதுக்கு எதுவும் இன்னும் பாக்கலையேன்னு நினைச்சுகிட்டிருந்தேன். இன்னைக்கு வாக்கிங் போனப்ப 'காதலில் விழுந்தேன்' பட போஸ்டர் மாட்டிச்சு. ஆஹா எப்பிடியும் இந்த படத்தை இன்னைக்கு பாத்துடணும்னு வீட்டுக்கு வந்து அம்மிணிகிட்ட இன்னும் ஒன் அவர்ல வெளில போறோம்னு கிளம்புன்னு மட்டும் சொல்லி வெச்சேன் சினிமாக்குன்னு சொன்னா திரும்ப இன்னைக்கு வேணாம்னு அவ ஆரம்பிச்சா இந்த படமும் மிஸ் பண்ணிடகூடாதில்ல அதுக்காகத்தான். நாமல்லாம் யாரு.........

சன் குருப் எல்லா சானல்லயும் 10 நிமிசத்துக்கு ஒருதரம் 'சன் பிச்சர்ஸ் கலாநிதி மாறன் வழங்கும்' அப்படின்னு விளம்பரம் போடறப்பவே உசார் ஆகியிருக்கணும் என்ன செய்ய விதி வலியது.

உனக்கென நான் எனக்கென நீ
நினைக்கையில் இனிக்குதே
உடலென நான் உயிரென நீ
இருப்பது பிடிக்குதே
* * *

தோழியா என் காதலியா
சொல்லடி என் கண்ணே

ரெண்டு மூனு மாசமா கேட்டுகிட்டிருக்கிற இந்த இரண்டு பாட்டும்தான் இந்த படத்தை பார்க்க தூண்டிச்சு. படத்தைவிட்டு வெளில வர்றப்ப கழுத்து கண்ணு மூக்கு வாய் எல்லாத்துலயும் ரத்தம் ரெண்டு பேருக்கும் அப்பிடி ஒரு மரணகடி நேத்து யாரோ ஒரு புண்ணியவான் பதிவெழுதியிருந்தார் படம் நல்லாயிருக்குன்னு வேற :(

படத்தோட சுருக்கம் என்னன்னா ஈரோயின் துப்பட்டா பறந்து ஈரோ முகத்துல விழ ஆக்ஸிடெண்ட் ஆகீடுது அம்மிணி ஈரோவ ஆஸ்பத்திரில சேத்து கவனிக்கிற கவனிப்புல லவ்ஸ் ஆகீடுது. அப்புறம் அண்ணன் ஈரோயின் காலேஜ் பஸ்ல டெய்லி ஃபாலோ பண்ணறார் முத்தம் கேக்குறார் ஊட்டில நடக்குற மேச்ல ஜெயிச்சிட்டு வந்தாதான் அப்பிடின்னு சொல்ல ஊட்டி குளிர்ல போட ஒரு ஜெர்கின் அம்மிணி குடுத்து விடறாங்க அத மெட்ராஸ்ல போட ஆரம்பிச்ச ஈரோ படம் க்ளைமாக்ஸ் வரைக்கும் கழட்டவே இல்ல.

இவர் மேட்ச் ஆட போன சமயத்துல ஈரோயின் அம்மிணி செத்துபூடறாங்க அது ஏன் எப்படின்னு படத்துல ஒரே வரில சொல்லிடறாங்க அதனால அது வேணாம் இப்ப. ஈரோயின் செத்தத நம்பாம உயிரோட இருக்கிறா அப்படின்னு பொணத்த ஆஸ்பத்திரில இருந்து எல்லாரையும் அடிச்சி போட்டுட்டு தூக்கிகிட்டு ஓடறார் ஓடறார் நடுவுல எத்தனை பேர் வந்தாலும் அத்தனை பேரையும் கொன்னுட்டு ஓடறார்.

பொணத்தோட. பொணத்தோட பேசறார், பாட்டு பாடறார், சாப்பாடு ஊட்டறார், தண்ணிகுடிக்க குடுக்கறார் முடியலடா சாமி

தமிழ்பட தியரிப்படி ஒரு வெள்ளை தாடி வெச்ச சொட்ட டாக்டர் போலீஸ்க்கு ஒரு நேசனல் ஜியோக்ராபிக் விடியோ போட்டு காமிச்சு ஒரு கொரங்கு எப்பிடி செத்து போன அதோட குட்டிய தூக்கிகிட்டு சுத்துதோ அதுமாதிரிதான் இது ஈரோவுக்கு பைத்தியம் எல்லாம் இல்ல பாசம் ஜாஸ்தியாகி அப்பிடி பண்றார் (ஈரோவால எத்தினி பேர் செத்தா என்ன )ஈரோ தண்டிக்க பட வேண்டியவர் இல்ல வாழவேண்டியவர்னு சொல்ல சர்ர்ர்ர்ர்ர்ர்ர்ர்ர்ர்ர்ர்னு நமக்கு பிபி ஏறரதுதான் மிச்சம். யாராவது சைக்கோவ (ஈரோவ) கொன்னு படத்தை முடிங்களேண்டானு நம்ம எல்லாரையும் கதற வெச்சிடறார் டைரக்டர்.

டைரக்டர் சார் நாங்கல்லாம் பாவம் இல்ல :((