நட 'தி வாக்'

நட 'தி வாக்' சிவாஜி தி பாஸ் ஸ்டைலில் படிக்கவும்.

நேற்று உஷா அக்கா அவர்களின் "சர்க்கரை நீயா - நானா" படிக்க நேர்ந்தத அதில் அவர் இரண்டு லின்க் கொடுத்திருந்தார் ஒன்று தேசிகன் அவர்கள் பக்கம் இன்னொன்று டாக்டர் முருகானந்தம் அவர்களின் பக்கம். சரி ஒரு எட்டு போய் பார்ப்போம் என்று போய் பார்த்தேன் அதில் வாழ்க்கை முறை மாற்றங்கள் மூலம் நோயை தவிர்ப்பது எப்படி அல்லது சர்க்கரை நோய் இருப்பவர்கள் நோயின் தீவிரத்தை குறைப்பது எப்படி என்றெல்லாம் இருந்தது.

'ஜங்க் புட்' தவிர்த்தாலே ஏறக்குறைய வயிறு சம்பந்தமான எல்லா பிரச்சனைகளும் தீரும். இந்த பானி பூரின்னு ஒண்ணு விக்கறான் அவன் கடை எப்பவுமே எதாவது ஒரு டிச்சி பக்கத்துலயே இருக்கும். அவன் ஒரு நாள் வியாபாரத்துக்கு எல்லா தட்டயும் கழுவ ஒரே ஒரு பக்கட் தண்ணிதான் கொண்டு வருவான். அதுல ஒரு முக்கு முக்கிட்டு ஒரு பீத்த துணியால (பீ துணின்னும் படிக்கலாம்) ஒரு தொடை துடைச்சுட்டு குடுப்பான். நம்ம மக்களும் என்னமோ கோயில்ல உண்டை கட்டிக்கு நிக்கிற மாதிரி அவன் கிட்ட கை ஏந்தி நிக்கிறதுகள் யாரும் படிக்காத முட்டாள்கள் இல்லை டை எல்லாம் கட்டிண்டு இல்ல நிக்கிறாங்க. நார்த் இண்டியன்ஸ் இதுல ஃப்ர்ஸ்ட்.

சரி விஷயத்துக்கு வருகிறேன். சில மாதங்களுக்கு முன் சென்னையில் ஒரு உறவினர் வீட்டில் வாக் (walk) என்று புத்தகம் படிக்க நேர்ந்தது இரண்டு டாக்டர்கள் எழுதிய புத்தகம். அதில் இருந்து நினைவில் இருக்கும் தகவல்களும் மற்றும் வேறு படித்த தகவல்களும் இங்கே.

நடை பயிற்சி அல்லது நடப்பது எல்லா உடற்பயிற்சிகளையும் விட மிக எளிதான பயிற்சி. இதை 'ஏரோபிக் ப்ளஸ்' என்கிறார்க்ள். இதற்க்கு தனி கோச் எல்லாம் தேவை இல்லை. மனதும் நேரமும் மட்டுமே தேவை. சர்க்கரை நோய் அல்லது ரத்த அழுத்த நோய் இருப்பவர்கள் மட்டும் செய்ய வேண்டும் என்பது இல்லை. தினமும் ரெகுலராக நடப்பவர்களுக்கு சர்க்கரை / உயர் ரத்த அழுத்த பிரச்சனைகள் இருந்தால் அது கட்டுக்குள் இருக்கும்.

அதை விட முக்கியமாக உடலின் நோய் எதிர்ப்பு சக்தி (immune system) அதிகரிக்கும். உடலின் நோய் எதிர்ப்பு சக்தி நன்றாக இருந்தாலே சளி, தலைவலி போன்ற சிறு சிறு பிரச்சனைகள் வராது.

உடம்பு வெயிட் போடாமல் இருக்கும். ட்ரெட் மில்லில் நடப்பதை விட அதி காலையில் சாலையில் நடப்பது இன்னும் சிறப்பானது ஏன் என்றால் வேடிக்கை பார்த்துக்கொண்டே செல்லும் போது போர் அடிக்காது. மனசுக்கும் ரிலாக்ஸ்டாக இருக்கும்.

காலையில் வளி மண்டலத்தில் ப்ராண வாயுவின் அளவு (Oxygen) அதிகமாக இருக்கும். பொல்யூசன் இருக்காது. முதுமையாகுவது (Aging) மெல்ல ஆகும். (காலேஜ் / ஸ்கூல் விடும் டைம் என்றால் கண்ணுக்கும் குளிர்ச்சியாக இருக்கும் இது மட்டும் ஐயாவோட அடிஷன்).

அப்படி நடக்கும்போது கட் ஷூ அணிவதை விட லேஸ் கட்டும் ஷூ அணிவது நல்லது இது மட்டும் ஞாபகம் இருக்கு ஏன் என்று ஒரு ஐந்து பக்கத்துக்கு எழுதியிருந்தார்கள். அதெல்லாம் செலக்டிவ் அம்னீசியாவில போய் விட்டது.

எனவே தினசரி மிக குறைந்த பட்சம் முப்பது நிமிடங்கள் நடப்போம் ஆரோக்கியத்தை பேணுவோம்.

Posted in Labels: , , |